Notorios d’a Guerra d’a Independenzia en Sarrablo (1809-1812)

General Don Pedro Villacampa. Biblioteca Nacional, MadridPoquetas cosas se sapen d’a baralla d’a Independenzia e os suzeditos en á nuesa redolada, fueras, profes d’os feitos de D. Pedro Villacampa, melitar sarrablés de A Guarta, estudiato por R. GuiraoGUIRAO LARRAÑAGA, Ramón. Don Pedro Villacampa Maza de Lizana. Héroe serrablés de la Guerra de Independencia Española. Zaragoza: Editorial Comuniter S.L., 2005. Agora que se fa ro Bizentenario d’os Sitios de Zaragoza, faremos dende ra rebista Serrablo, bella contrebuzión á o tema d’una traza orichinal cuan menos, seguntes o que se diz en o Diario de Mallorca e en bella correspondezia, zentratos en a fegura de o guerrillero M. Sarasa.

Ista baralla prenzipia ta Aragón en a mañana de ro 24 de mayo de 1808, en Zaragoza, con a lebantadura d’as chens cuentra Guillelmi ta que lis done armas en l’Alfachería. Allora, os franzeses gubernoron Aragón dende febrero de 1809 dica chulio de 1813, ixo muita chen lo sape. O que menos chen sape ye que: “Con el Nuevo Régimen, a partir de enero de 1810, se conviertió el territorio aragonés en un estado autónomo al margen del resto de España. La orden fue dada por el propio Rey de España, José Bonaparte, que por decisión del Emparador Napoleón, convirtió a Suchet en “Gobernador del Estado Aragonés” con la más absoluta plenitud de libertades para desarrollar su propia administración y poderes” PELLICER MARCO, L. A. “Alcañiz con el gobierno francés. 1080- 1814”, 2006, nº IV. Boletín del Bajo Aragón, pp. 179-310.

Asinas se deziba en un decreto de J. Bonaparte siñato en Madrid Decreto del Rey José I , de 8 de febrero de 1810, en l’articlo primero, que: “Aragón formará un gobierno particular con el título de Gobierno de Aragón”. No cal tampó xublidar que bels aragoneses siñalatos, como Francho Goya, yeran “afranzesatos”, isto ye, á fabor d’os balors unibersalistas d’os franzeses, e que tubioron que marchar esiliatos.

En istas montañas, l’asalto á ra capetal d’a Chazetania se prenzipió o diya 5 de abiento de 1813 con tropas que mandaba Marcelino Oraa. O 17 de febrero de 1814, se rendió a ziudadela. O zaguer repuis franzés que quedó en suelo aragonés estió Benás, tomato por o coronel Sebastián Fernández, qui, á escomienzos d’ abril de 1814, lo sitió, dica capetular o diya 23.

O eroe d’o lau español en d’ista redolada de l’Alto Galligo estió ro Comandante Miguel Sarasa. As primeras notizias en prensa son de meyatos de nobiambre de 1809, do tenemos á Sarasa en Biescas con bels dos mil ombres armatos, replecando més chens dica prebar de plegar enta os tresmils. Sarasa pilló por sospresa á bels franzeses zerca d’Ayerbe e lis furtó o que lebaban, más que más, bellas 600 arrobas de sal, que marchó á guardar-las amagatas enta Xabierre - Latre Diario de Mayorca, 4-XII-1809.

En una razia que fazió zerca de Biescas pilló á 16 franzeses “y dió fin de ellos”, con a ideya seguntes se nos diz “en concluir con quantos franceses entren en la Montaña de los Pireneos” Diario de Mayorca, 18-XII-1809. En atra carta escrita por M. Sarasa dende Biescas ta nobiambre de 1809 nimbiata á o mandamás franzés Lomet li diz: “haga V. E. publicar las victorias de Lasieso y Tiermas; ya veo que tienen la salida de la superioridad de fuerza; esto no lo niego; pues aunque en el número eran mas los gabachos, un soldado de Sarasa supone por quatro futres.” Ibidem.

Pero talmén o suzedito més grau, d’o que se fizon l’eco e dioron notorio os periodicos Diario de Mallorca 3-VI-1812 e bels diyas més tardi El Conciso de Cádiz 16-VI-1812, estió o que pasó d’entre Miguel Sarasa, o Gubernador franzés de Chaca e o suyo suegro, Antonio Azcon. Parixe que o gubernador franzés dende Chaca li escribe á Sarasa dizindo-li que ha notizias de que iste zaguero ha afusilato en Yebra de Basa á un franzés bezino de Chaca; e que allora, o gubernador quiere pillar presa á ra filla de Sarasa y, fer aforcar tamién á ro suyo fillo que ya ye preso, e á cuatre presos amigos d’él e parientes, ta afusisarlos por cada bezin de Chaca que muera: “voy á reclamar á su hijo prisionero para hacerle ahorcar si continua las maldades de su inicuo padre” Diario de Mallorca, 3-VI-1812.

Ante isto, M. Sarasa, en una carta nimbiada dende Gabín o diya 28 de abril de 1812, diz que “mandó afusilar en Yebra á un espia frances vecino de Jaca, que tuvo la osadía de recorrer todas sus tropas”, ixo sí, dimpues de confesar o reo e con un consello de guerra feito. En una emotiba carta, diz que l’arte de fer á guerra por a suya parti ye atro, que més d’un ziento de prisioners que fazió los dixó presos en Cataluña, que namás afusila fendo un consello de guerra, e que, si fa o mandamás francés o que diz, afusilará a ixe zentenar de prisioners feitos. Remata a carta dizindo que “celebrará con gran banquete la noticia de que por un recto proceder de su acendrado patriotismo han sido inmolados al barbaro procedimiento frances, sus hijos y parientes, porque los amigos no los encontrará su barbara política, pues ignora tener ninguno. Sarasa no variará de plan, porque se halla decido de morir hombre de bien, y el alcalde de Biescas, pena de vida, hará conducir con propio esta orden al gobernador de Jaca.”

Cosa més diz a prensa d’iste suzedito. Sólo sapemos que o guerrillero Sarasa, natural de Embún, continó fendo á guerra e, dimpués de tomar Biescas, dentró en Balbastro e, dende astí, marcho á Cataluña, do se tresbate o suyo bayo. Añadas dimpués, o semanario El Pirineo Aragonés se referiba á el como “el viriato jaqués”.